Eldiń irgeli qundylyqtary men baǵyttaryn aıqyndaıtyn bas qujattyń jańa jobasyn qoǵam belsendi talqylap jatyr. Ata zańdy ózgertýge qatysty alyp-qashpa áńgimeler men dáıeksiz derekter de az bolǵan joq. Sarapshy, ekonomıst Aıdarhan Qusaıynov jurttyń sanasyn san-saqqa jibergen saýaldarǵa jaýap berdi, dep jazady Egemen.kz.
Konstıtýsııanyń jańa jobasyn tym qysqa ýaqytta jasap shyqty dep senimsizdik bildirgender joq emes. Sarapshynyń sózinshe, bul jańsaq pikir. Sebebi Ata zańmen jumys jarty jylǵa sozyldy. Bul, shynynda, jobany ázirleýge jetkilikti ýaqyt.
Jańa Konstıtýsııany qoldaıtyn Jalpyulttyq Koalısııa quryldy
«Konstıtýsııany «úsh jyl nemese on jyl» jazý kerek dep esh jerde jazylmaǵan. Qoldanystaǵy qujat bar, zań, zańnama, sot turǵysynan tájirıbe de tolymdy. Ata zańmen jumys istep jatqan mamandar – zańgerler, saıasattanýshylar, saıasatkerler, qoǵam qaıratkerleri, beıindi ǵalymdar. Qysqasy, qatysqandardyń bári qoldanystaǵy qujattyń osal jerlerin burynnan biletin, túsinetin jandar. Al maman emester úshin Konstıtýsııa – qol dirildep, «qoımadan» shyǵarýǵa jarty jyl jumsaıtyn, sosyn taǵy úsh jyl boıy «ishinde jasyrynǵan kıeli maǵynalardy» tereńnen zertteýge tıis qasıetti jádigerdeı kórinetin shyǵar», dedi A. Qusaıynov.
Konstıtýsııa – kemel keleshek kepili
Sarapshynyń aıtýynsha, Konstıtýsııa – barlyq zańdar men normatıvtik aktilerden joǵary turatyn tujyrymdamalyq qujat. Osy sebepti teń nemese tipti joǵary turǵan normatıvtik qujattardyń tutas jelisimen kelisýdi talap etetin operasııalyq qujattarǵa qaraǵanda, onymen jumys isteý jeńilirek. Bir jaǵynan, bas qujat óte sırek qaıta qaralady.
«Taǵy bir aıta ketetin jaıt, árkimniń jeke pikiri bar ekeni túsinikti. Biraq Ata zańdy jazý úderisi, onyń erejeleri, Ata zańnyń ózi de, aqıqatyn aıtqanda, árbir adamnyń jeke pikirin eskerýge mindetti emes. Bul kásibı tásildi talap etetin zańdy qujat», deıdi sarapshy.
Vıse-prezıdent: Álemdik tájirıbe neni dáleldedi?
Qujat jobasy kópshilik nazaryna usynyldy. 15 naýryzda ótetin referendýmda sanaly tańdaý jasaýǵa múmkindik bar. Sarapshynyń paıymdaýynsha, dál osy jerde kimniń daýys berip, azamattyq jaýapkershilik tanytatyny, al kimniń jaı ǵana narazy bolyp, qur sózben shekteletini anyq kórinedi.